Oduu Wadaay barcaa torban kanaatif raabse

Jiilchaa Haamidiin

Kan barreesse: Jiilchaa Haamid

Wadaay: “Aboo Leencoon gale dhageeysani!?”
Araarso:”Sa boo maal jetta?”
“Galan! Isaa fi diimaan faan”
“Haaya bada boo! An siin hin jenne!? Yoom galan hoo?”
“Dheenyuma khana, ati internet hin seentu sa? Itooppiyaa kheenya dimokraateeysina je’ee darsa saa guurratee khute hin ja’anii”
*blup blup blup* (shiisha) “Qabsoo kheenya laamsheeysanii..” *blup blup blup* “ati duraanuu jette bar”
“Ani duraaniin je’e bar. Gaafa chaartaraa..as khanni boo niin harkisa…*blup blup blup* “gaafa chaartaraa waan isaan hojjatan namni hin beeyne hin jiru.”
“Aboo gaafa chaartaraa maalii, san duratti bara meeqa olola oofaa gaara kheeysatti joollee kheenya wal ficcisiisaa turan!? Jaarraa Abbaa Gadaa eebalu ajjeese jechaa? Arra ammoo eega isaan boqotan kaayyoo isaanii kan dhugaa as baasan.”
“Kaayyoo ganamaa diiganii, kan Itoophiyaa as baasanii mi khunoo”
*Gandi Akkam ooltan!?*
Araarso: “Hay! Aboo Jamal! Seeni gaa, numa badde yaa obboleeyso.
Jamal: Fayyumaa mi?
“Aboo galanni kha Rabbiiti seeni taa’i. Khunoo oduu haaraya takka nuuf fide Wadaay..irratti wal mari’achaa jirra”
“Odeeysaa gaa”
“Jaarsi dhaaba haaraya jaaree galuuf deema ja’an”
“Jaarsi khun hoo?”
“Leencoon faan..”
“Duuba hoo?”
“Duuba gaa jarri akkanatti qabsoo kheenya laamsheeysanii diinatti harka khannuuf deeman, ati akkam jetta?”
“Akkaan ja’u hin qabu”
“Ajaa’ibaa mi?”
“Eee ajaa’iba. Akkamitti jimaa afaan tuullattee, aara khana harkisaa, eebalu qabsoo kheenya laamsheeyse jechuu dandeeysa?”
“Sa akkam jetta boo, waan jarri hojjachaa jiran hin agartu?”
“Eee niin arka.”
“Duuba hoo!?”
“Yoo galan haa galan. Yoo taa’an haa taa’an, ani irra hin kaayyanne. Galaniis biiyti biyya abbaa saaniiti. Akka nam tokkotti ilaalcha siyaasaa isaanii hin deeggaru. Ilaalcha isaanii hordofuuniis dirqamaa miti. Wanni isaan hojjataniis, hamtuu haa taatu, toltuu haa taatu, barnoota irraa arkannee seenaaf dhiifne. Garuu arraan tana as teenyee baala khana afaan khaayyanne isaanirraa haasawuun waan bu’aa qabu natti hin fakkaatu. Hiyyeeysaa fi rakkataa kheenya akkamitti gargaaruu dandeenyaaaa tahuu qaba yaadni kheenya. Malee jette jettee khanaaf yeroon hin jirtu. Khanarratti haa wal marihannu. Khunoo dheenyuma kana waraanni magaalaa Miino weerarte ummata kheenya fixxe achuma horii kheenya saamtee taa’u jirti. Sanirratti haa marihannu. Sheekkoottii fi barattoota mana hidhaa kheeysatti miidhaan adda addaa irratti gaggeeyfamaa jiru sanirratti haa marihannu.”
“Hayye… ani gama khiyyaan fudhadhe…Wadaay ati akkam jetta?”
“Yaaboo hidhaa fi jinni kheeysan hin dandeenyu guyyaan arraa boqonnaa khiyya, mirqaana kheenya balleeysitani..Ani amma galeetiin Paltalk khiyya banadha, nagayatti!”